Mae Sul y Mamau yn ddiwrnod arbennig i ddathlu’r menywod anhygoel yn ein bywyd, a pha ffordd well o ddangos ein gwerthfawrogiad na’ gyda phryd rhost Porc Blasus?
Pa mor bell yw’n porc o’ch fforc?
Ond wrth gwrs, yn gyntaf mae’n rhaid dod o hyd i’ch cyflenwr Porc Blasus lleol! I ddod o hyd i’ch cyflenwr agosaf, cliciwch yma i ddefnyddio ein map rhyngweithiol. Trwy ddewis Porc Blasus, nid yn unig ydych chi’n sbwylio eich mam gyda phryd arbennig, ond rydych hefyd yn cefnogi ffermwyr a busnesau lleol sy’n cynhyrchu ein porc. Mae Porc Blasus yn dod o ffermydd ar raddfa fechan, ble mae moch yn cael eu magu dan amodau naturiol a chael eu bwydo diet cytbwys – felly gallwch fod yn hyderus eich bod yn gwneud y peth iawn!
Mae pryd rhost ar Sul y Mamau yn draddodiad rydyn ni’n ei garu, felly rydyn ni wedi dewis tri rysáit y gallech chi eu dilyn i sicrhau ei fod yn ddiwrnod i’w gofio. Mae’r ryseitiau’n siŵr o blesio eich mam, ond cofiwch arbed rhywfaint o le ar gyfer pwdin!
Lwyn porc rhost gydag afalau bach pob wedi’u stwffio: Mae’r llwyn porc yn cael ei ysgeintio gyda halen môr a saets a’i rostio gyda moron a winwns yn y rysáit hwn, tra bod yr afalau pob wedi’u stwffio‘n ychwanegu ychydig o felyster a choethder i’r pryd. Mae’r rysáit yn hawdd i’w baratoi a bydd yn llenwi’ch cegin gydag arogl hyfryd!
Porchetta: Mae’r porc yn cael ei rholio a’i glymu, yna’i greithio a’i rwbio â halen pupur a naddion croen lemon ar gyfer y rysáit hwn. Mae’r porchetta’n cael ei rostio ar wely o foron gyda gwin gwyn a dŵr i greu grefi cyfoethog. Y canlyniad yw rhost porc blasus gyda chroen crisb. Bydd eich mam yn caru’r pryd Eidalaidd ei naws, ac yn mwynhau pob brathiad!
Bola mochyn wedi ei rostio’n araf gydag afal, mêl a sinamon: Yn y rysáit hwn, mae chwarteri afal, haneri eirin, saets ffres a mêl yn cael ei ychwanegu ar ben y bol porc i greu saws ffrwythus a persawrus. Mae’r bol porc yn cael ei goginio’n araf yn y ffwrn am ddwy awr a hanner, nes bod y cig yn dyner a’r croen yn grisb.
Rydym yn sicr y byddech yn mwynhau diwrnod hyfryd gyda’r teulu gyda unrhyw un o’r prydau hyn! Beth bynnag a wnewch gyda eich diwrnod, rydyn ni yn Porc Blasus yn dymuno Sul y Mamau gwych i chi!
Am fwy o ysbrydoliaeth, cliciwch yma i weld ein holl ryseitiau.
