- Rhowch yr holl gynhwysion ar gyfer y peli cig mewn powlen fawr a chymysgwch yn dda, gan ychwanegu ychydig o’r wy wedi’i guro yn ôl yr angen i’w dwyn at ei gilydd.
- Siapiwch y cig yn beli cyfartal, dylai’r cymysgedd wneud 14-16 pelen.
- Rhowch nhw yn yr oergell am 30 munud cyn eu coginio, bydd hyn yn eu helpu i gadw eu siâp.
- Pan fyddwch chi’n barod i goginio, rhowch ychydig o olew mewn padell ffrio ac ychwanegu’r peli cig, eu ffrio nes eu bod yn frown, gan eu troi’n ysgafn, gostwng y gwres a’u coginio am 8 munud arall.
- Tynnwch nhw allan o’r badell.
- Gwnewch y sglein/saws yn yr un badell.
- Mewn powlen fach cymysgwch y blawd corn gydag ychydig o ddŵr nes ei fod yn llyfn.
- Rhowch yr holl gynhwysion yn y badell a gan ddefnyddio chwisg neu lwy bren, trowch nes ei fod yn llyfn, dewch ag ef i’r berw a’i fudferwi am 2 funud.
- Dychwelwch y peli cig i’r badell a’u troi i’w gorchuddio a’u mudferwi am ychydig funudau nes bod y peli cig wedi’u coginio’n drylwyr y tu mewn.
- Gweinwch gyda reis cnau coco, wedi’i wneud trwy goginio’r reis mewn tun o laeth cnau coco ac ychydig o ddŵr.
- Ysgeintiwch goriander a hadau sesame drostynt.
- Blasus gyda winwns bach wedi’u torri!
Peli cig porc Asiaidd gyda sglein mêl a sinsir
- Amser paratoi 25 mun
- Amser coginio 20 mun
- Ar gyfer 4
Bydd angen
- 450g porc mâl
- 3 ewin garlleg, wedi’u malu
- Darn 3cm sinsir ffres, wedi’i gratio
- 1 winwnsyn coch, wedi’i dorri’n fân
- ½ llwy de naddion tsili
- 30g briwsion bara panko
- Pinsied o bupur du
- 1 wy bach, wedi’i guro
- 1 llwy fwrdd o olew i ffrio.
Ar gyfer y sglein (Gallwch wneud dwbl os ydych chi eisiau mwy o saws)
- 1 llwy fwrdd olew sesame
- 2 ewin garlleg, wedi’u malu
- Darn 3cm o sinsir ffres, wedi’i gratio
- 3 llwy fwrdd saws soi halen isel
- 2 lwy fwrdd finegr mirin neu win gwyn
- 2 lwy fwrdd mêl clir
- 2 lwy fwrdd saws hoisin
- 130ml stoc cyw iâr
- 1 llwy de blawd corn
I weini:
- Reis cnau coco
- Coriander ffres wedi’i dorri
- Hadau sesame
Dull
Dyma’r rysait perffaith i pryd canol-wythnos – mae’r peli cig porc Asiaidd yma yn llawn blas a gellir paratoi o flaenllaw. Bydd y rysait yma yn gwneud 14-16 pelen cig.